Emy de Lema

India

2019/11/26 - 2020/01/12

Emy de Lema argazkilari donostiarraren “India” izeneko erakusketak, berrogeita hamar bat argazkiz osatuta dago. Bertan, Indiako egunerokotasunaren inguruan,  bost alderdi jorratzen ditu. Bere begiradak harrapatu ditu egilearen arreta piztu duten pertsonen erretratuak, Ganges ibaiarekiko lotura, hango kaleak, merkataritza harremanak edota erritoak.

Emy de Lemak herrialde ugarietara bidaiatu du, batez ere Asiara, eta maiz tajuzko argazkilariez lagunduta, esaterako Tino Soriano, National Geographiceko argazkilaria. Bisitatu dituen herrialdeen alderdi emozionalenak harrapatzea lortu du bost urte bizien buruan.

Tokian tokiko bizimodua, erritoak eta lekuekiko harremana zoragarri islatzea lortu du, beti ere argazkietan agertzen diren pertsonak errespetatuz. 

Indiako irudiak dira, hura bizitzea bultzatzen zaituztenak. Milaka bidaiarik eta erromesek bere pentsamen duei atsedena ematen diote Gangeseko erriberatan. Bere uretan bizitzaren hasiera eta amaiera sumatzen dira. Biak, elkar hartuta doaz ubide itzelean, irentsiz, aldatuz eta aurretik eramaten du hurbiltzen denari, bertan erritoak eta sinesmenek ibaiertzaren sedimentuak osatzen dituzte. 

Bere kaleetan zentzumenak pizten dira: ferekak, esentziak, lurrinak, begirada, bere kale korapilatsuetatik galdutako bidaiari batek entzundako ahotsa. Bertako jendea ikusiz, izan nintekeena izan nahi nuke. Nora ezean dabiltza beraien saria, kurta edo churidar delakoekin, dhoti sinbolikoakin apainduta. Koloreak begi-niniak blaitzen ditu: azafraia, Gangeseko ilunabar gorria, urdina eta urrea, ilen kultibatu laranjak, Kaliren aurpegi beltza, Krishna Jaunaren urdina, bioleta indiarra edo egunsentiko purpura.

Emy de Lemaren Indiako argazkiak ikusi ostean, bertan bizitzea amets izan dut. Herrialde horretatik pasa den inor ez da hotz gelditzen eta horixe erakusten du lan honek.

 

JOSU ZALDIBAR HIERRO